గౌరీశాష్టకం
భజ గౌరీశం, భజ గౌరీశం, గౌరీశం భజ మందమతే! (ధ్రువపదమ్)
జలభవ దుస్తరజలధిసుతరణం ధ్యేయం చిత్తే శివహరచరణమ్ |
అన్యోపాయం నహి నహి సత్యం, గేయం శంకర! శంకర! నిత్యమ్ || ౧ ||
దారాపత్యం క్షేత్రం విత్తం దేహం గేహం సర్వమనిత్యమ్ |
ఇతి పరిభావయ సర్వమసారం, గర్భవికృత్యా స్వప్నవిచారమ్ || ౨ ||
మలవైచిత్య్రే పునరావృత్తిః పునరపి జననీ జఠరోత్పత్తిః |
పునరప్యాశాకులితం జఠరం కిం నహి ముంచసి కథయేచ్చిత్తమ్ || ౩ ||
మాయాకల్పిత మైంద్రంజాలం, నహి తత్సత్యం దృష్టివికారమ్ |
జ్ఞాతే తత్త్వే సర్వమసారం, మాకురు మాకురు విషయవిచారమ్ || ౪ ||
రజ్జౌ సర్పభ్రమణారోపః తద్వద్బ్రహ్మణి జగదారోపః |
మిథ్యామాయామోహవికారం, మనసి విచారయ వారం వారమ్ || ౫ ||
అధ్వరకోటీగంగాగమనం, కురుతో యోగం చేంద్రియ దమనమ్ |
జ్ఞానవిహీనః సర్వమతేన నభవతి ముక్తో జన్మశతేన || ౬ ||
సోహం హంసో బ్రహ్మైవాహం, శుద్ధానందస్తత్త్వపరోహమ్ |
అద్వైతోహం సంగవిహీనే చేంద్రియ ఆత్మని నిఖిలే లీనే || ౭ ||
శంకరకింకర! మాకురు చింతాం చింతామణినా విరచితమేతత్ |
యః సద్భక్త్యా పఠతి హి నిత్యం, బ్రహ్మణి లీనో భవతి హి సత్యమ్ || ౮ ||
ఇతి శ్రీ గౌరీశాష్టకం సంపూర్ణం ||