క్రిమి సంహారక సూక్తం (యజుర్వేద)
(కృ.య.తై.ఆ.4.36.1)
అత్రి॑ణా త్వా క్రిమే హన్మి |
కణ్వే॑న జ॒మద॑గ్నినా |
వి॒శ్వావ॑సో॒ర్బ్రహ్మ॑ణా హ॒తః |
క్రిమీ॑ణా॒గ్ం॒ రాజా᳚ |
అప్యే॑షాగ్ స్థ॒పతి॑ర్హ॒తః |
అథో॑ మా॒తాఽథో॑ పి॒తా |
అథో᳚ స్థూ॒రా అథో᳚ క్షు॒ద్రాః |
అథో॑ కృ॒ష్ణా అథో᳚ శ్వే॒తాః |
అథో॑ ఆ॒శాతి॑కా హ॒తాః |
శ్వే॒తాభి॑స్స॒హ సర్వే॑ హ॒తాః || ౩౬ ||
ఆహ॒రావ॑ద్య |
శృ॒తస్య॑ హ॒విషో॒ యథా᳚ |
తత్స॒త్యమ్ |
యద॒ముం-యఀ॒మస్య॒ జంభ॑యోః |
ఆద॑ధామి॒ తథా॒ హి తత్ |
ఖణ్ఫణ్మ్రసి॑ || ౩౭ ||
ఓం శాంతిః శాంతిః శాంతిః ||