సర్ప సూక్తం
నమో॑ అస్తు స॒ర్పేభ్యో॒ యే కే చ॑ పృథి॒వీ మను॑ |
యే అం॒తరి॑క్షే॒ యే ది॒వి తేభ్యః॑ స॒ర్పేభ్యో॒ నమః॑ |
యే॑ఽదో రో॑చ॒నే ది॒వో యే వా॒ సూర్య॑స్య ర॒శ్మిషు॑ |
యేషా॑మ॒ప్సు సదః॑ కృ॒తం తేభ్యః॑ స॒ర్పేభ్యో॒ నమః॑ |
యా ఇష॑వో యాతు॒ధానా॑నాం॒-యేఀ వా॒ వన॒స్పతీ॒గ్ం॒ రను॑ |
యే వా॑ఽవ॒టేషు॒ శేర॑తే॒ తేభ్యః॑ స॒ర్పేభ్యో॒ నమః॑ |
ఇ॒దగ్ం స॒ర్పేభ్యో॑ హ॒విర॑స్తు॒ జుష్టం᳚ |
ఆ॒శ్రే॒షా యేషా॑మను॒యంతి॒ చేతః॑ |
యే అం॒తరి॑క్షం పృథి॒వీం క్షి॒యంతి॑ |
తే న॑స్స॒ర్పాసో॒ హవ॒మాగ॑మిష్ఠాః |
యే రో॑చ॒నే సూర్య॒స్యాపి॑ స॒ర్పాః |
యే దివం॑ దే॒వీమను॑స॒న్చరం॑తి |
యేషా॑మాశ్రే॒షా అ॑ను॒యంతి॒ కామం᳚ |
తేభ్య॑స్స॒ర్పేభ్యో॒ మధు॑మజ్జుహోమి || ౨ ||
ని॒ఘృష్వై॑రస॒మాయు॑తైః |
కాలైర్హరిత్వ॑మాప॒న్నైః |
ఇంద్రాయా॑హి స॒హస్ర॑యుక్ |
అ॒గ్నిర్వి॒భ్రాష్టి॑వసనః |
వా॒యుశ్వేత॑సికద్రు॒కః |
సం॒వఀ॒థ్స॒రో వి॑షూ॒వర్ణైః᳚ |
నిత్యా॒స్తేఽనుచ॑రాస్త॒వ |
సుబ్రహ్మణ్యోగ్ం సుబ్రహ్మణ్యోగ్ం సు॑బ్రహ్మణ్యోగ్మ్ || ౩ ||
ఓం శాంతిః శాంతిః శాంతిః ||
ఇతి సర్ప సూక్తం సంపూర్ణం ||