అరుణాచలాష్టకం
దర్శనాదభ్రసదసి జననాత్కమలాలయే |
కాశ్యాం తు మరణాన్ముక్తిః స్మరణాదరుణాచలే || ౧ ||
కరుణాపూరితాపాంగం శరణాగతవత్సలం |
తరుణేందుజటామౌలిం స్మరణాదరుణాచలం || ౨ ||
సమస్తజగదాధారం సచ్చిదానందవిగ్రహం |
సహస్రరథసోపేతం స్మరణాదరుణాచలం || ౩ ||
కాంచనప్రతిమాభాసం వాంఛితార్థఫలప్రదం |
మాం చ రక్ష సురాధ్యక్షం స్మరణాదరుణాచలం || ౪ ||
బద్ధచంద్రజటాజూటమర్ధనారీకలేబరం |
వర్ధమానదయాంభోధిం స్మరణాదరుణాచలం || ౫ ||
కాంచనప్రతిమాభాసం సూర్యకోటిసమప్రభం |
బద్ధవ్యాఘ్రపురీధ్యానం స్మరణాదరుణాచలం || ౬ ||
శిక్షయాఖిలదేవారి భక్షితక్ష్వేలకంధరం |
రక్షయాఖిలభక్తానాం స్మరణాదరుణాచలం || ౭ ||
అష్టభూతిసమాయుక్తమిష్టకామఫలప్రదం |
శిష్టభక్తిసమాయుక్తాన్ స్మరణాదరుణాచలం || ౮ ||
వినాయకసురాధ్యక్షం విష్ణుబ్రహ్మేంద్రసేవితం |
విమలారుణపాదాబ్జం స్మరణాదరుణాచలం || ౯ ||
మందారమల్లికాజాతికుందచంపకపంకజైః |
ఇంద్రాదిపూజితాం దేవీం స్మరణాదరుణాచలం || ౧౦ ||
సంపత్కరం పార్వతీశం సూర్యచంద్రాగ్నిలోచనం |
మందస్మితముఖాంభోజం స్మరణాదరుణాచలం || ౧౧ ||
ఇతి శ్రీ అరుణాచలాష్టకం ||