శ్రీ దక్షిణామూర్తి పంచరత్నం
మత్తరోగ శిరోపరిస్థిత నృత్యమానపదాంబుజం
భక్తచింతితసిద్ధికాలవిచక్షణం కమలేక్షణమ్ |
భుక్తిముక్తిఫలప్రదం భువిపద్మజాచ్యుతపూజితం
దక్షిణాముఖమాశ్రయే మమ సర్వసిద్ధిదమీశ్వరం || ౧ ||
విత్తదప్రియమర్చితం కృతకృశా తీవ్రతపోవ్రతైః
ముక్తికామిభిరాశ్రితైః ముహుర్మునిభిర్దృఢమానసైః |
ముక్తిదం నిజపాదపంకజసక్తమానసయోగినాం
దక్షిణాముఖమాశ్రయే మమ సర్వసిద్ధిదమీశ్వరం || ౨ ||
కృత్తదక్షమఖాధిపం వరవీరభద్రగణేన వై
యక్షరాక్షసమర్త్యకిన్నరదేవపన్నగవందితమ్ |
రత్నభుగ్గణనాథభృత్ భ్రమరార్చితాంఘ్రిసరోరుహం
దక్షిణాముఖమాశ్రయే మమ సర్వసిద్ధిదమీశ్వరం || ౩ ||
నక్తనాదకలాధరం నగజాపయోధరమండలం
లిప్తచందనపంకకుంకుమముద్రితామలవిగ్రహమ్ |
శక్తిమంతమశేషసృష్టివిధానకే సకలం ప్రభుం
దక్షిణాముఖమాశ్రయే మమ సర్వసిద్ధిదమీశ్వరం || ౪ ||
రక్తనీరజతుల్యపాదపయోజ సన్మణి నూపురం
బంధనత్రయ భేద పేశల పంకజాక్ష శిలీముఖమ్ |
హేమశైలశరాసనం పృథు శింజినీకృత దక్షకం
దక్షిణాముఖమాశ్రయే మమ సర్వసిద్ధిదమీశ్వరం || ౫ ||
యః పఠేచ్చ దినే దినే స్తవపంచరత్నముమాపతేః
పురాతలే మయాకృతం నిఖిలాగమమూలమహానలమ్ |
తస్య పుత్రకలత్రమిత్రధనాని సంతు కృపా బలాత్
తే మహేశ్వర శంకరాఖిలవిశ్వనాయక శాశ్వత || ౬ ||
ఇతి శ్రీ దక్షిణామూర్తి పంచరత్నం |
English Version
mattarōgaśirōparisthitanr̥tyamānapadāmbujaṁ
bhaktacintitasiddhikālavicakṣaṇaṁ kamalēkṣaṇam |
bhuktimuktiphalapradaṁ bhuvi padmajācyutapūjitaṁ
dakṣiṇāmukhamāśrayē mama sarvasiddhidamīśvaram || 1 ||
vittadapriyamarcitaṁ kr̥takr̥śā tīvratapōvrataiḥ
muktikāmibhirāśritaiḥ muhurmunibhirdr̥ḍhamānasaiḥ |
muktidaṁ nijapādapaṅkajasaktamānasayōgināṁ
dakṣiṇāmukhamāśrayē mama sarvasiddhidamīśvaram || 2 ||
kr̥ttadakṣamakhādhipaṁ varavīrabhadragaṇēna vai
yakṣarākṣasamartyakinnaradēvapannagavanditam |
ratnabhuggaṇanāthabhr̥dbhramarārcitāṅghrisarōruhaṁ
dakṣiṇāmukhamāśrayē mama sarvasiddhidamīśvaram || 3 ||
naktanādakalādharaṁ nagajāpayōdharamaṇḍalaṁ
liptacandanapaṅkakuṅkumamudritāmalavigraham |
śaktimantamaśēṣasr̥ṣṭividhānakē sakalaṁ prabhuṁ
dakṣiṇāmukhamāśrayē mama sarvasiddhidamīśvaram || 4 ||
raktanīrajatulyapādapayōja sanmaṇi nūpuraṁ
bandhanatrayabhēda pēśala paṅkajākṣa śilīmukham |
hēmaśailaśarāsanaṁ pr̥thu śiñjinīkr̥ta dakṣakaṁ
dakṣiṇāmukhamāśrayē mama sarvasiddhidamīśvaram || 5 ||
yaḥ paṭhēcca dinē dinē stavapañcaratnamumāpatēḥ
purātalē mayākr̥taṁ nikhilāgamamūlamahānalam |
tasya putrakalatramitradhanāni santu kr̥pābalāt
tē mahēśvara śaṅkarākhilaviśvanāyaka śāśvata || 6 ||
iti śrī dakṣiṇāmūrti pañcaratnam |