సూక్త పరిభాషా
ప్రియతాం భగవాన్విష్ణుః ప్రార్థనా సూక్తముచ్యతే |
కనిక్రదాది మంత్రాంశ్చ శాకునం సూక్తమీరితమ్ |
స్వస్తినోమిమీతేత్యు క్త్వా స్వస్తిసూక్తమితి స్మృతమ్ || ౧ ||
శుద్ధా ఇమే పశవ ఇతి గోసూక్తం సముదాహృతమ్ |
ఋతం చ సత్యంచేత్యాది అఘమర్షణ ముచ్యతే || ౨ ||
అణోరణీయానిత్యు క్త్వా సూక్తం ప్రోక్షణ మీరితమ్ |
ఆపో హిరణ్యవర్ణాశ్చ పవమాన ఇతి త్రయః || ౩ ||
ప్రోక్షణం సూక్తమితితు కైచిద్వైకల్పితం జగుః |
యాజాతా ఇతి మంత్రాశ్చ ఓషధీసూక్త ముచ్యతే || ౪ ||
కృణుష్వపాజ ఇత్యాది సూక్తం ప్రతిసరాహ్వయమ్ |
అతోదేవాది షడ్భిస్తు వైష్ణవం సూక్త ముచ్యతే || ౫ ||
అతోదేవాది షణ్మస్త్రాష్టడ్వైష్ణవ పదాహ్వయాః |
విష్ణోర్నుకాది షణ్మన్హా విష్ణుసూక్తముదీరతమ్ || ౬ ||
సహస్రశీర్షా పురుష అతి పౌరుష సూక్తకమ్ |
హిరణ్య వర్ణా ఇత్యాది శ్రీసూక్తం సర్వకామదమ్ || ౭ ||
భూమిర్భూమ్నేతి మంత్రా భూమిసూక్తముదాహృతమ్ |
ఉపశ్వాసయ ఇత్యాది దుందుభీ సూక్తముచ్యతే || ౮ ||
సుపర్ణోసి గరుత్మానిత్యుక్తం సూక్తం చ గారుడమ్ |
హిరణ్య గర్భ ఇత్యాది బ్రహ్మ సూక్తముదాహృతమ్ || ౯ ||
ఇంద్రంవో విశ్వత ఇతి ఇంద్రసూక్త మిహోచ్యతే ! |
అగ్నేనయేత్యాది షడ్భిరగ్నిసూక్తం ప్రచక్షతే || ౧౦ ||
ఆయాతుదేవ ఇత్యాది యమసూక్తం ప్రకీర్తితమ్ |
నమస్సుతే నిరఋతే సూక్తం నైరృత ముచ్యతే || ౧౧ ||
అస్తభ్నాద్యామృషభ ఇతి వారుణ సూక్తకమ్ |
పీవోన్నాంరయి వృధస్సుమేథా ఇతి వాయవమ్ || ౧౨ ||
అద్భ్యుస్తిరోధా ఇత్యాది కౌబేరం సూక్తముచ్యతే |
స్తుహిశ్రుతం గర్త ఇతి రుద్రసూక్తం ప్రకీర్తితమ్ || ౧౩ ||
ఓమాశ్చర్షణీత్యాది సూక్తం సారస్వతం భవేత్ |
విశ్వజితే ధన ఇతి విశ్వజిత్సూక్తముచ్యతే || ౧౪ ||
రాత్రివ్యఖ్యదిత్యాది రాత్రిసూక్తముదాహృతమ్ |
జాతవేదస ఇత్యాది షడ్దుర్గాసూక్తముచ్యతే || ౧౫ ||
ఆగోదానాదితి ప్రోచ్య గోదానం సూక్తముచ్యతే ! |
ఏకాక్షరమితి ప్రోచ్య సూక్త మేకాక్షరాదికమ్ || ౧౬ ||
ఆత్మాత్మా పరమాత్మేత్యాది ఆత్మసూక్తం ప్రకీర్తితమ్ |
వైష్ణవం విష్ణుసూక్తం చ పురుషసూక్తమతః పరమ్ |
శ్రీభూసూక్తం చ పంచైతే పంచసూక్తమిహోచ్యతే || ౧౭ ||
సూక్త పరిభాషా ముగిసెను.